دل کی عمر آپ کی حقیقی عمر سے 10 سال آگے یا پیچھے ہو سکتی ہے، دلچسپ انکشاف

دل کی عمر کا انسانی عمر سے 10 سال زیادہ یا کم ہونا درحقیقت ایک طبی اصطلاح 'ہارٹ ایج' سے متعلق ہےاس کا مطلب یہ ہے کہ آپ کے دل کی حالت اور صحت، آپ کی اصل حیاتیاتی عمر سے زیادہ یا کم ہو سکتی ہے۔

ماہرین مختلف عوامل کی بنیاد پر "دل کی عمر" کا اندازہ لگاتے ہیں، جیسے:بلڈ پریشر، کولیسٹرول کی سطح، تمباکو نوشی، ذیابیطس یا شوگر کا خطرہ، وزن اور بی ایم آئی، جسمانی سرگرمی کی مقدار وغیرہ ۔

اگر یہ عوامل غیر صحت مند ہوں تو دل کی خون کی نالیاں تیزی سے خراب ہوتی ہیں، اور دل کی حیاتیاتی عمر اصل عمر سے 5–15 سال زیادہ ہو سکتی ہے۔

اس کا مطلب یہ ہے کہ اگر آپ 40 سال کے ہیں لیکن طرزِ زندگی خراب ہے تو آپ کا دل 50 یا اس سے بھی زیادہ سال کا سمجھا جائے گا۔

تاہم طرزِ زندگی بدل کر دل کی عمر کم بھی کی جا سکتی ہے، جیسے کہ: روزانہ واک یا ورزش، متوازن غذا، تمباکو نوشی اور الکوحل سے پرہیز، وزن کنٹرول میں رکھنا اور باقاعدگی سے بلڈ پریشر اور شوگر چیک کرنا۔

from صحت https://ift.tt/CDAbfUo